नरेंद्र मोदिंच्या ध्यानसाधना नंतर देशभरातून या गुहेला मागणी

देहरादून: रायगड माझा वृत्त

पंतप्रधान नरेंद्र मोदी यांनी ध्यानसाधना केल्यानंतर देशभरातून या गुहेला मागणी वाढली आहे. सर्व बुकिंग ऑनलाइन होत आहे. लोकांची मागणी वाढल्याने आम्हाला आता दुसरी एक गुहा बनवावी लागत आहे, असे देहरादून येथील गढवालमधील अधिकारी बीएल. राणा यांनी सांगितले. ही गुहा संपूर्णपणे कृतिम नाही.
पंतप्रधान नरेंद्र मोदी यांनी लोकसभा निवडणूक निकालाआधी ध्यानसाधना केल्याने चर्चेत आलेल्या केदारनाथमधील गुहेला प्रंचड मागणी वाढली आहे. या गुहेत ध्यानसाधना करण्यासाठी भाविक बंपर बुकिंग करीत असून पुढील १० दिवसांसाठी या गुहेची बुकिंग झाली आहे.  त्यामुळे दुसरी गुहा बनवण्यासाठी आम्हाला वेळ लागत आहे. पंतप्रधान नरेंद्र मोदी यांनी १८ मे रोजी पहिल्यांदा रुद्र मेडिटेशन गुहेत ध्यानसाधना केली होती. ही गुहा केदारनाथ मंदिरापासून एक किलोमीटर अंतराच्या उंचीवर आहे. या ठिकाणी पायी जावे लागेत.
केदारनाथला देवदर्शनासाठी आलेले अनेक जण आधीच या गुहेची ऑनलाइन बुकिंग करीत आहेत. २४ तासांसाठी १५०० रुपये मोजायलाही लोक मागेपुढे पाहत नाहीत. यासाठी ते ऑनलाइन बुकिंग करीत आहेत. विशेष म्हणजे ही गुहा खूप प्रसिद्ध झाली असून पंतप्रधान नरेंद्र मोदींच्या ध्यानसाधनेनंतर २० लोकांनी या ठिकाणी जाऊन ध्यानसाधना केली आहे. तर पुढील १० दिवसांसाठी या गुहेची बुकिंग झाल्याची माहिती आहे.

बुकिंग केल्याच्या दोन दिवस आधी भाविकांना गुप्तकाशीमध्ये पोहोचावे लागते. त्यानंतर त्यांची वैद्यकीय चाचणी केली जाते. त्यानंतर भाविकाला पायी किंवा हेलिकॉप्टरच्या मदतीने मंदिरात जाता येते. तेथे गेल्यानंतर पुन्हा एकदा वैद्यकीय चाचणी केली जाते. त्यानंतर ध्यानसाधना करण्यासाठी गुहेत जाण्याची परवानगी दिली जाते. गुहेत एका वेळी एकच व्यक्ती राहू शकतो, असेही या अधिकाऱ्याने सांगितले. जर या व्यक्तीला काही अडचण आली तर ती व्यक्ती फोनवरून सांगू शकते. बुकिंग रद्द केल्यास पैसे परत दिले जात नाहीत. गुहेत राहणाऱ्या व्यक्तीला पाणी, चहा, जेवण दिले जाते. तसेच आराम करण्यासाठी या ठिकाणी एक छोटीशी खोली बनवण्यात आली आहे, असेही या अधिकाऱ्याने सांगितले

शेयर करा

प्रतिक्रिया व्यक्त करा

आपला ई-मेल अड्रेस प्रकाशित केला जाणार नाही. आवश्यक फील्डस् * मार्क केले आहेत