पहिल्यांदा विमानतळावर २५ किलोची सोन्याची बिस्किटे जप्त !

तिरुवनंतपूरम:रायगड माझा वृत्त

 एक प्रवासी मोठ्या प्रमाणावर सोनं घेऊन येत असल्याची माहिती गुप्तचर यंत्रणेकडून महसूल गुप्तचर संचालनालयला (डीआरआय) देण्यात आली होती. त्यामुळे महसूल अधिकाऱ्यांनी तिरुवनंतपूरम विमानतळावर सापळा रचला होता. येणाऱ्या प्रत्येक प्रवाशांच्या सामानाची तपासणी करण्यात येत असतानाच एका प्रवाश्याच्या सामानात सोन्याची बिस्कीटे सापडली. या सोन्याची एकूण किंमत साडे आठ करोड रूपये इतकी आहे. या प्रवाशाचे नाव सुनील असं असून तो तिरुमलाचा रहिवासी आहे. मस्कतवरून ओमान एअरलाईनच्या डब्ल्यूवाय-२११ या विमानाने ते सकाळी साधारण साडे सात वाजता तिरुवनंतपूरम विमानतळावर पोहोचला होता.

तिरूवनंतपुरम आंतरराष्ट्रीय विमानतळावर एका भारतीय प्रवाशाकडून एकूण २५ किलो सोने जप्त करण्यात आलं आहे. या सोन्याची किंमत ८.५ कोटी रुपये असून यापूर्वी या विमानतळावर एवढ्या मोठ्याप्रमाणावर सोनं कधीच जप्त करण्यात आलं नव्हतं असं महसूल अधिकाऱ्यांनी सांगितलं.

तपासादरम्यान सुनीलजवळ दोन बॅगा सापडल्या. या बॅगेत अॅल्युमिनीयम फॉईलची दोन पाकिटे सापडली. ही पाकिटे उघडून पाहिल्यावर त्यात सोन्याची २५ बिस्कीटे सापडली. ही प्रत्येक बिस्कीटं एक किलोची असल्याचं सांगण्यात येतं. ही सगळी बिस्कीटं जप्त करण्यात आली असली, तरी विमानात नेण्यासाठी जितकं वजन न्यायची परवानगी होती, त्याच्यापेक्षा जास्त वजन घेऊन जात असताना सुनीलला अडवण्यात कसं आलं नाही? याचा तपासही करण्यात येत आहे.

शेयर करा

प्रतिक्रिया व्यक्त करा

आपला ई-मेल अड्रेस प्रकाशित केला जाणार नाही. आवश्यक फील्डस् * मार्क केले आहेत