भारताचा न्यूझीलंडवर ७ गडी राखून दणदणीत विजय

न्यूझीलंड : रायगड माझा ऑनलाईन 

India vs New Zealand T20 Series: 2nd Match, Live, News And Updates

भारत आणि न्यूझीलंडमध्ये आज खेळल्या गेलेल्या दुसऱ्या टी-२० सामन्यात भारताने न्यूझीलंडला सात गडी राखून मात दिली आहे. या विजयामुळे तीन सामन्यांच्या मालिकेत भारतानं १-१ अशी बरोबरी केली आहे. मालिका विजयासाठी आता तिसरा सामना निर्णायक ठरणार आहे.

ऑकलंडमध्ये खेळल्या गेलेल्या सामन्यात नाणेफेक जिंकून प्रथम फलंदाजी करण्याचा निर्णय न्यूझीलंडने घेतला. कॉलिन डी ग्रॅण्डहोमे व रॉस टेलर वगळता न्यूझीलंडच्या एकाही खेळाडूला खेळपट्टीवर फार काळ तग धरता आला नाही. न्यूझीलंडकडून ग्रँडहोमे यानं ५० तर, टेलरनं ४२ धावा केल्या. भारतातर्फे कृणाल पंड्यानं केवळ २८ धावा देत तीन बळी घेतले, तर खलील अहमदने २७ धावा देत न्यूझीलंडच्या दोन फलंदाजांना तंबूचा रस्ता दाखवला. न्यूझीलंडनं २० षटकांत ८ बाद १५८ धावा केल्या.

१५९ धावांचं लक्ष्य घेऊन मैदानात उतरलेल्या भारताची सुरुवात दमदार झाली. सलामीवीर रोहित शर्मा यानं २९ चेंडूंमध्ये शानदार अर्धशतक झळकावलं. त्यात चार षटकार आणि तीन चौकारांचा समावेश होता. या सामन्यात त्यानं टी-२०मधील सर्वाधिक धावांचा विक्रमही नोंदवला. शिखर धवननं ३० आणि ऋषभ पंतनं ४० धावा केल्या. हे तिघे बाद झाल्यानंतर विजय शंकर व महेंद्रसिंह धोनीनं सर्व सूत्रे हातात घेत भारताला विजयापर्यंत पोहोचवले. सात चेंडू शिल्लक असताना १६२ धावा करून भारतानं हा सामना खिशात घातला.

शेयर करा

प्रतिक्रिया व्यक्त करा

आपला ई-मेल अड्रेस प्रकाशित केला जाणार नाही. आवश्यक फील्डस् * मार्क केले आहेत