मान्सून लांबणीवर;शेतकर्यांना या वर्षी ही दिलासा नाही

दिल्ली : रायगड माझा वृत्त

गेल्या वर्षी दुष्काळान त्रस्त शेतकर्यांना यंदाही मान्सूनदिलासा मिळणार नाही. यावर्षी मान्सून ६ जून रोजी केरळमध्ये दाखल होईल, असा अंदाज भारतीय हवामान विभागानं वर्तवला आहे. त्यामुळं महाराष्ट्रातील मान्सूनचं आगमन लांबण्याची शक्यता आहे.

गेल्या मोसमात महाराष्ट्रातील विदर्भ व मराठवाड्याला मोठा फटका बसला. आगामी मान्सूनकडे डोळे लावून बसलेल्या या भागातील शेतकऱ्यांना यंदाही मान्सून हुलकावणी देण्याची शक्यता आहे. मध्य भारतात समावेश होणाऱ्या विदर्भ, मराठवाडा, पश्चिम मध्य प्रदेश व गुजरातमध्ये यंदा सरासरीच्या ९१ टक्के पाऊस पडण्याची चिन्हे आहेत.

केरळात ४ जून रोजी मान्सून दाखल होण्याची चिन्हे आहेत, असा अंदाज ‘स्कायमेट’ या खासगी हवामान संस्थेने व्यक्त केला होता. देशातील चारही प्रदेशांमध्ये तो सरासरीपेक्षा कमीच असेल, असंही संस्थेनं सांगितलं होतं. त्यानंतर आज भारतीय हवामान खात्यानंही मान्सून अंदाज व्यक्त केला आहे. केरळच्या समुद्रकिनाऱ्यावर ६ जून रोजी मान्सून धडकेल, असा अंदाज हवामान खात्यानं वर्तवला आहे. केरळमध्ये मान्सूनचे आगमन झाल्यानंतर सहा ते सात दिवसांनी महाराष्ट्रातही दाखल होतो. मात्र, यंदा केरळमध्येच उशिरानं आगमन होणार असल्यानं महाराष्ट्रातील आगमनही लांबणीवर पडण्याची चिन्हे आहेत.

शेयर करा

प्रतिक्रिया व्यक्त करा

आपला ई-मेल अड्रेस प्रकाशित केला जाणार नाही. आवश्यक फील्डस् * मार्क केले आहेत