‘स्वराज्य रक्षक संभाजी’ सोडणार नाही: अमोल कोल्हे

मुंबई : रायगड माझा वृत्त 

शिवसेनेचे उपनेते असणाऱ्या डॉ. अमोल कोल्हे यांनी शिवसेनेचं ‘शिवबंधन’ तोडून राष्ट्रवादी काँग्रेसमध्ये प्रवेश केला. कोल्हे राष्ट्रवादीच्या तिकिटावर शिरूर मतदारसंघातून निवडणूक लढवणार अशी शक्यता वर्तवली जात आहे. त्यामुळे लोकसभा निवडणुकीच्या पार्श्वभूमीवर सुरू असणाऱ्या या जोरदार घडामोडींच्या लक्षात घेता ते मालिकेला रामराम करणार अशी चर्चा होती. मात्र, ‘ही मालिका सोडण्याचा विचार नाही’ असं म्हणत डॉ. अमोल कोल्हे यांनी हे वृत्त फेटाळून लावलं आहे.

डॉ. अमोल कोल्हे यांनी त्यांची भूमिका मांडणारी पोस्ट सोशल मीडियावर शेअर केली. ‘मालिका सोडण्याचा कोणताही निर्णय किंवा विचारही झालेला नाही. छत्रपती संभाजी महाराज यांचा खरा इतिहास स्वराज्य रक्षक संभाजी मालिकेतून जगासमोर मांडण्याचे कार्य अविरत चालू राहील. धन्यवाद!’ असं लिहून त्यांनी मालिका सोडणार नसल्याचे स्पष्ट केलं.

शेयर करा

प्रतिक्रिया व्यक्त करा

आपला ई-मेल अड्रेस प्रकाशित केला जाणार नाही. आवश्यक फील्डस् * मार्क केले आहेत